പാച്ചോറ്റി
ലോധ്രഃ എന്ന സംസ്കൃതവാക്കിനര്‍ത്ഥം രോഗം തടയാന്‍ സാധിക്കുന്നത് എന്നാണ്. സംസ്കൃതത്തില്‍ മാത്രമല്ല, ഹിന്ദി, ബംഗാളി, ഗുജറാത്തി, മറാത്തി എന്നീ ഭാഷകളിലും ഈ പേരിലറിയപ്പെടുന്ന ഔഷധവൃക്ഷമാണ് പാച്ചോറ്റി.
ചരകസംഹിതയില്‍ പോലും പരാമര്‍ശമുള്ള പാച്ചോറ്റിയുടെ തൊലിയ്ക്കും ഫലത്തിനും ഔഷധഗുണമുണ്ട്, അതിസാരം, വായ്‌പ്പുണ്ണ്‍, കണ്ണിലെ വേദന എന്നിവയ്ക്ക് പാച്ചോറ്റി നല്ലൊരു ഔഷധമാണ്. ഒടിവ്, ചതവ് എന്നിവ ഭേദമാക്കാനും ഇതുപയോഗിക്കുന്നു. അതിസാരത്തിന് നല്‍കുന്ന കഷായങ്ങളില്‍ പലതിലും പാച്ചോറ്റിത്തൊലി സുപ്രധാന ചേരുവയാണ്. ഇടത്തരം വൃക്ഷമായാണ് പൊതുവേ പാച്ചോറ്റി കാണപ്പെടുന്നത്.
