വേമ്പാട

റാമ്നേസീ സസ്യകുടുംബത്തിലെ വള്ളിച്ചെടിയാണ് വേമ്പാട അല്ലെങ്കിൽ ദിനേശവല്ലി. ശാസ്ത്രീയ നാമം Ventilago maderaspatana എന്നാണ്. ഇംഗ്ലീഷിൽ Red Creeper എന്നു പറയുന്നു. ഇന്ത്യൻ ഉപഭൂഘണ്ഡം, ശ്രീലങ്ക, മലേഷ്യ എന്നിവിടങ്ങളിലെ ഇലകൊഴിയും ഈർപ്പവനങ്ങളിൽ കണ്ടുവരുന്നു. ഇളംകൊമ്പുകൾ ഉണങ്ങുമ്പോൾ കറുപ്പ് നിറമാകുന്നു. വീതികുറഞ്ഞ് നീളമുള്ള ഇലകൾ അഗ്രം കൂർത്തവയാണ്. ഡിസംബർ മുതൽ മാർച്ച് വരെയുള്ള കാലങ്ങളിൽ വിരിയുന്ന ചെറിയ പൂക്കൾ പച്ചകലർന്ന ഇളം മഞ്ഞനിറമുള്ളവയാണ്. പൂക്കൾക്ക് അസുഖകരമായ ഗന്ധമാണ്.