മലമ്പാമ്പ് (ജനുസ്സ്)

പൈത്തൺ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്.
പൈതനിഡെ (Pythanidae) കുടുംബത്തിൽപ്പെടുന്ന മലമ്പാമ്പുകൾ (Pythons) ഏഷ്യയിലും, ആസ്ട്രേലിയയിലും, ആഫ്രിക്കയിലും കാണപ്പെടുന്ന വിഷമില്ലാ‍ത്ത വലിയ പാമ്പുകൾ ആണ്. ഏഷ്യയിലും ആഫ്രിക്കയിലുമായി, പൈതൺ (Genus: Python) ജനുസ്സിൽപ്പെടുന്ന ഏഴ് സ്പീഷീസുകൾ ഉള്ളതായി കണ്ടെത്തിയിട്ടുണ്ട്. ഈ വർഗത്തിൽപ്പെടുന്നതും, തെക്കുകിഴക്കേ ഏഷ്യയിൽ കണ്ടുവരുന്നതുമായ റെറ്റിക്കുലേറ്റഡ് പൈതൺ (Reticulated Python) ആണ് ലോകത്തിലെ ഏറ്റവും നീളം കൂടിയ പാമ്പ്.
കേരളത്തിൽ സാധാരണ കണ്ടുവരുന്ന ഇനത്തിന് (Indian Rock Python) 3.6 മീറ്റർ (12 അടി) വരെ നീളം വെക്കാറുണ്ട്. ഇതിനെ പെരുമ്പാമ്പ് എന്നും ചിലയിടങ്ങളിൽ പറയാറുണ്ട്. ആഹാരം ചെറു സസ്തനികളും പക്ഷികളുമാണ്. മാൻ കുഞ്ഞുങ്ങളെവരെ ഇതിനു വിഴുങ്ങാൻ കഴിയും. മലമ്പ്രദേശങ്ങളിലാണ് ഇതിനെ കൂടുതലായി കണ്ടുവരുന്നത്.