വെളുത്തുള്ളി രസം
പാകം ചെയ്യുന്ന വിധം
വെളുത്തുള്ളിയല്ലി ഒരു പാത്രത്തില്‍ വച്ച് ആവികേറ്റി എടുക്കുക.തുവരന്‍ പരിപ്പ് ,മുളക്, മല്ലി, കായം, കുരുമുളക്, അല്പം വെളിച്ചെണ്ണയില്‍ മൂപ്പിച്ച് അരകല്ലില്‍ വച്ച് അരച്ചെടുത്ത് അരപ്പു വെള്ളത്തില്‍ തന്നെ കലക്കി വച്ചിരിക്കുന്നതില്‍ ചേര്‍ത്ത് പാകത്തിന് ഉപ്പും ഒഴിച്ച് അടുപ്പില്‍ വച്ച് തിളയ്ക്കുമ്പോള്‍ ആവികേറ്റി വച്ചിരിക്കുന്ന വെളുത്തുള്ളിയും പച്ച കൊത്തമല്ലിയിലയുമിട്ട് തിളപ്പിക്കുക.വെട്ടിത്തിളയ്ക്കുമ്പോള്‍ ഇറക്കി വയ്ക്കുക.ചീനച്ചട്ടിയില്‍ കടുക് താളിച്ച് അരിഞ്ഞു വച്ചിരിക്കുന്ന ചുവന്നുള്ളിയിട്ടു മൂപ്പിച്ചു കറിവേപ്പിലയും ചേര്‍ത്ത് രസം ഒഴിച്ച് ഇളക്കി വാങ്ങാo.തക്കാളിയും ചേര്‍ക്കാം.പരിപ്പ് വേവിച്ചുടച്ച് ചേര്‍ത്താലും മതി.
ചേരുവകള്‍
വെളുത്തുള്ളി – 20 എണ്ണം
തുവരന്‍ പരിപ്പ് – 4 വലിയ സ്പൂണ്‍
വറ്റല്‍ മുളക് – 6 എണ്ണം
മല്ലി – 2 സ്പൂണ്‍
കുരുമുളക് – ഒരു സ്പൂണ്‍
കായം – 2 കഷ്ണം
വെളുത്തുള്ളി – 8 അല്ലി
പുളി – 2 വലിയ ഉരുള
ഉപ്പ് – പാകത്തിന്
വെളിച്ചെണ്ണ – 4 വലിയ സ്പൂണ്‍
വറ്റല്‍ മുളക് – 4 മുളക് മുറിച്ചത്
കടുക് – 2 സ്പൂണ്‍
ചുവന്നുള്ളി അരിഞ്ഞത്- 2 സ്പൂണ്‍
മല്ലിയില – 4 പിടി
കറിവേപ്പില – 4 പിടി