ചേന ഉരുളക്കിഴങ്ങുക്കറി

ഉണ്ടാക്കുന്ന വിധം
ചേനയും മധുരക്കിഴങ്ങും നീളമുള്ള കഷ്ണങ്ങളാക്കി മുറിയ്ക്കുക.വഴുതന ഞെട്ട് കളഞ്ഞ് വയ്ക്കുക.പച്ചക്കായ് രണ്ടു കഷ്ണങ്ങളായി മുറിയ്ക്കണം.ഉരുളക്കിഴങ്ങ് , വഴുതന, പച്ചക്കായ് എന്നിവ പകുതി നീളത്തില്‍ നാലായി മുറിയ്ക്കുക.ഉലുവ ഇല കഴുകി ഉപ്പ് കുടഞ്ഞ്‌ മാറ്റി വയ്ക്കുക. അമര കഴുകി വെയ്ക്കുക.കടലമാവ് , ഉലുവയില, അല്പം എണ്ണ, മുളകുപൊടി, മഞ്ഞള്‍പ്പൊടി, മഞ്ഞള്‍പ്പൊടി, ഉപ്പ് എന്നിവ ചേര്‍ത്തു വയ്ക്കുക. വെള്ളം ചേര്‍ത്തു കട്ടിയായി കുഴച്ചു വയ്ക്കുക.ഉരുട്ടി ചുവക്കെ വറുക്കുക.
തേങ്ങ ചുരണ്ടി അരിഞ്ഞ മല്ലിയില, വെളുത്തുള്ളി, ചതച്ച ഇഞ്ചി, പച്ചമുളക്, സോഡാക്കാരം, കായം, എന്നിവ ചേര്‍ത്ത് വയ്ക്കുക.മൂന്നായി ഭാഗിച്ച് മുന്നില്‍ രണ്ടു ഭാഗമെടുത്ത് വഴുതന , ഉരുളക്കിഴങ്ങ്, പച്ചക്കായ്‌ ഉള്ളില്‍ നിറയ്ക്കുക.മൂന്നാമത്തെ ഭാഗം കൊണ്ട് ചേനയിലും മധുരക്കിഴങ്ങിലും കലര്‍ത്തി വയ്ക്കുക.2 ടീസ്പൂണ്‍ മസാല ബാക്കിവയ്ക്കണം.വിസ്താരമുള്ള ചീനച്ചട്ടിയില്‍ എണ്ണ തിളപ്പിക്കണം.ബാക്കി വെച്ച മസാല എണ്ണയില്‍ വറുക്കുക.എണ്ണയില്‍ 300 മില്ലിലിറ്റര്‍ വെള്ളം ഒഴിച്ച് തിളയ്ക്കുമ്പോള്‍ അമരയും കൊത്തമരയും 2 നുള്ള് അപ്പാക്കാരയും ചേര്‍ത്ത് വേവിക്കുക.
മസാല നിറച്ച വഴുതന ചേര്‍ത്ത് പത്തു മിനിട്ടു വേവിക്കുക.ഉരുളക്കിഴങ്ങ്, ചേന, മധുരക്കിഴങ്ങ്, എന്നിവ ചേര്‍ക്കുക. വെന്തു വരുമ്പോള്‍ വറുത്ത കടലമാവ് ഉരുളകളും നിറച്ച പച്ചക്കായും ചേര്‍ക്കുക.എല്ലാം വെന്തശേഷം വാങ്ങി വയ്ക്കുക.

ചേരുവകള്‍
ചേന – 200 ഗ്രാം
ഉരുളക്കിഴങ്ങ് – അര കിലോ
മധുരക്കിഴങ്ങ്‌ – അര കിലോ
ചെറിയ വഴുതന – അര കിലോ
പഴുക്കാത്ത
പൂവന്‍ പഴം – 6
അമര – 200 ഗ്രാം
കൊത്തമര – 200 ഗ്രാം
കടലമാവ് – 200 ഗ്രാം
മുളകുപൊടി – 4 ടീസ്പൂണ്‍
മഞ്ഞള്‍പ്പൊടി – ഒരു സ്പൂണ്‍
അപ്പക്കാരം – 2 നുള്ള്
പഞ്ചസാര – 4 ടീസ്പൂണ്‍
തേങ്ങ – ഒരു മുറി
മല്ലിയില – 2 കെട്ടു
വെളുത്തുള്ളി – 60 ഗ്രാം
പച്ചമുളക് – 8 എണ്ണം
ഇഞ്ചി – ചെറിയ കഷ്ണം
കായം – ചെറിയ കഷ്ണം
നല്ലെണ്ണ – 250 ഗ്രാം