ഒപ്പോസത്തിന്റെ സൂത്രവിദ്യ
പ്ലെയിംഗ് ഒപ്പോസ൦ എന്ന് ഇംഗ്ലീഷ് ഭാഷയില്‍ ഒരു ചൊല്ലുണ്ട്. ഒപ്പോസത്തെപോലെ തട്ടിപ്പ് വേലയിറക്കുന്നതിനാണ് ഇങ്ങനെ പറയുക. അതിനടിസ്ഥാനമായ ഒപ്പോസത്തിന്റെ സൂത്രം എന്തെന്നോ, വെറുതേ ചത്തതുപോലെ കിടക്കല്‍!
ശത്രുക്കളെ പറ്റിക്കാനാണ് ഒപ്പോസം ഈ വിദ്യ പ്രയോഗിക്കുന്നത്. രക്ഷപ്പെടാന്‍ ഒരു മാര്‍ഗവുമില്ലെന്ന് ഉറപ്പായാല്‍ വാ വായ്‌ തുറന്നു പിടിച്ച് ചുരണ്ടു വളഞ്ഞു ഒറ്റക്കിടപ്പാണ്. ശരീരം ഒട്ടും അനക്കാതെ കണ്ണുകള്‍ ശരിക്കും തുറന്നുപിടിച്ചാണ് കിടപ്പ്. ശത്രുക്കള്‍ തൊട്ടടുത്ത്‌ വന്നു മണത്താലോ തൊട്ടാലോ പോലും അവ അനങ്ങുകയില്ല.ഈ സമയത്ത് ഒരു ദുര്‍ഗന്ധം പുറപ്പെടുവിക്കാനും അവയ്ക്കു കഴിയും.
ചുരുക്കിപ്പറഞ്ഞാല്‍ ചത്തിട്ട് ദിവസങ്ങളായന്നേ ഈ കിടപ്പുകണ്ടാല്‍ തോന്നൂ! അതിനാല്‍ അടുത്തെത്തുന്ന ശത്രുക്കള്‍ എത്രയും പെട്ടെന്ന് സ്ഥലം വിടും.ഒരനക്കവുമില്ലാതെ തുടര്‍ച്ചയായി ആറു മണിക്കൂര്‍ ഇങ്ങനെ കിടക്കാനും അവയ്ക്ക് കഴിയും.