ക്വിന്‍ ഷി ഹുവാങ്ങ്
ലോകാത്ഭുതങ്ങളില്‍ ഒന്നായ ചൈനീസ് വന്‍മതിലിന്‍റെ നിര്‍മാണം തുടങ്ങിയ ഭരണാധികാരി എന്ന നിലയില്‍ ചരിത്രത്തില്‍ ഇടം നേടിയ ചക്രവര്‍ത്തിയാണ് ക്വിന്‍ ഷി ഹുവാങ്ങ്. ചൈനയിലെ ക്വിന്‍ വംശത്തിലെ രാജാവായിരുന്നു ഹുവാങ്ങ്.പിന്നീട് ഇദ്ദേഹം ചൈനയെ ഏകീകരിക്കുകയും ചക്രവര്‍ത്തി ആകുകയും ചെയ്യ്തു.
ബി.സി 259-ലാണ് ക്വിന്‍ ഷി ഹുവാങ്ങിന്റെ ജനനം.ബി.സി 221 മുതല്‍ ബി.സി 210 വരെയായിരുന്നു ഭരണകാലം. ചൈനയില്‍ എമ്പാടും വന്‍ നിര്‍മാണപ്രവര്‍ത്തനങ്ങള്‍ക്ക് ഇദ്ദേഹം തുടക്കം കുറിച്ചു. രാജ്യത്തിന്റെ ഒരറ്റം മുതല്‍ മറ്റേ അറ്റം വരെയുള്ള റോഡുകളും ഇതില്‍ ഉള്‍പ്പെടുന്നു.