കുളച്ചല്‍ യുദ്ധം
ഇന്ത്യന്‍ മണ്ണില്‍ യൂറോപ്യരെ തോല്‍പ്പിച്ച യുദ്ധമാണ് കുളച്ചല്‍ യുദ്ധം. പോര്‍ച്ചുഗീസുകാര്‍ക്കു പിന്നാലെ ഇന്ത്യയിലെത്തിയ ഡച്ചുകാരുടെ സ്വാധീനം ഈ യുദ്ധത്തോടെ അവസാനിച്ചു. 1741 ല്‍ കുളച്ചല്‍ തുറമുഖത്ത് നടന്ന കുളച്ചല്‍ യുദ്ധത്തില്‍ തിരുവിതാം കൂര്‍ സൈന്യം ഡച്ചുകാരുമായി ഏറ്റുമുട്ടി. കുളച്ചല്‍ മുതല്‍ കോട്ടാര്‍ വരെയുള്ള പ്രദേശങ്ങള്‍ നിയന്ത്രണത്തിലാക്കിയ ഡച്ചുകാര്‍ക്ക് മാര്‍ത്താണ്ഡവര്‍മയുടെ സൈന്യം ശക്തമായ തിരിച്ചടി നല്‍കി. യുദ്ധത്തില്‍ ഡച്ചുകാര്‍ ദയനീയമായി പരാജയപ്പെട്ടു.